«Ева»: Тейт Тейлор Мэттью Ньютон жұмыстан кеткен соң режиссерлік орынға ие болды
Тейт Тейлор («Пойыздағы қыз», «Қызметші») Мэттью Ньютон жұмыстан босатылған соң «Ева» атыс-шабыс фильмінде режиссерлік орынға ие болды. Фильм продюсері әрі басты рөлді сомдаушы - Джессика Честейн («Үлкен ойын», «Слоунның қауіпті ойыны»). Мэттью Ньютонға 2007 жылы әйелдерге зорлық көрсетуге қатысты айып тағылып, кейін қайталанған соң, ол түсірілім тобынан шығып қалды.
«Ева» жұмысының басталғаны туралы хабарланған соң, голливуд актрисаларымен, агенттермен, сценаристермен және режиссерлармен жұмыс орнындағы зорлыққа қарсы құрылған «Time's Up» қозғалысының белсенді мүшесі ретінде Честейнге бағытталған петиция жарияланды. Құжатта аустралиялық режиссер Мэттью Ньютон жобадан шығарылсын деген бір ғана талап болды.
Екі апта бұрын «Евадан» кеткен даулы қоюшы мынадай мәлімдеме жасады: «Кеше Джессика Честейн мен «Ева» фильмінің басқа да продюсерлеріне режиссер қызметінен кететінімді айттым. Түсірілімнің басталғаны туралы хабарланған соң, жауабы табылмаған маңызды сұрақтар туындады. Өткен өмірімде болған сәтсіздіктерден кейін, түсірілімге жетекшілік ету жауапкершілігін ала алмайтынымды түсіндім».
пікірлер жоқ, бірінші болыңыз
Пікір қалдыру үшін